POLISIAU CYFREITHIOL

Termau ac Amodau

​

Glampio Coed Glamping LL53 8HL

​

Mae’r telerau ac amodau hyn, y gellir eu diwygio o bryd i’w gilydd, yn berthnasol i’n holl archebion a thrwy gwblhau archeb, rydych yn cydnabod ac yn cytuno eich bod wedi darllen, deall a chytuno i’r telerau ac amdau a nodir isod.

 

Polisi Archebu:

 

• Mae pod taliad i'w derbyn yn llawn wrth archebu.

 

• Bydd rhaid bod dros 18 oed i wneud archeb

 

• Os nad ydych yn derbyn cadarnhad o'r archeb, cysylltwch a ni drwy ebost neu ffon.

 

• Bydd cadarnhad o bod archeb yn cael eu gyrru ar ol derbyn y taliad.

​​

• NI RODDIR AD-DALIAD i westeion llai na 4 wythnos o ddyddiad y gwyliau.

​

• Rydym yn derbyn archebion ar y dealltwriaeth fod ein cabannau ar gyfer 'pwrpas gwyliau' yn unig, am yr amser a gytunwyd arno a nifer sydd wedi archebu i aros.

​

• Mae'r person sydd yn archebu i aros yn gyfrifol o rannu y gywbodaeth perthnasol i eraill e.e termau ac amodau y safle a gwybodaeth o'r hyn sydd ar y safle.

​​

• Os nad yw’r eiddo ar gael ar y dyddiadau a archebwyd am unrhyw reswm tu hwnt i reolaeth y perchennog, bydd yr holl daliadau a dalwyd ymlaen llaw gan westeion yn cael eu had-dalu’n llawn (nid oes gan westeion yr hawl i wneud hawliad pellach yn erbyn y perchnogion).

 

• Ni allwn dderbyn unrhyw rwymedigaeth nac atebolrwydd am unrhyw newid neu ohirio / ganslo a achosir gan dywydd gwael, ymryson sifil, streiciau, problemau trawososd technegol neu amgylchiadau eraill.

​​

• Mae ganddom isafswm aros 2 noson, ond ys ydych yn awyddus i aros 1 noson yn unig, cysylltwch a ni drwy ebost: glampiocoed@gmail.com

 

Taliad:

 

• Bydd eich taliad yn cael ei dynnu yn ddiogel via Stripe. Bydd taliad yn cael ei dynnu o bunnoedd y Deyrnas Unedig.

 

 

Amseroedd cyrraedd a gadael:

 

• Mae’r cabanau glampio ar gael o 3:00yp ar y diwrnod y byddwch yn cyrraedd y safle i 10:00yb ar y diwrnod y byddwch yn gadael.

​​

• Os bydd angen i chi gyrraedd yn gynharach na 3:00yp neu aros yn fwy na 10:00yb, mae croeso i chi dalu £10 am bob awr e.e aros hyd at 11:00yb a thalu £10 yn ychwanegol.

 

Polisi Gohirio:

​

• NI RODDIR AD-DALIAD i westeion sydd yn 'canslo' llai na 4 wythnos o ddyddiad y gwyliau.

​​

• Efallai y bydd yn bosibl, os y dymunwch, i newid dyddiadau eich gwyliau, os oes argaeledd. Ni ellir aildrefnu llai na 1 mis cyn eich archeb gwreiddiol.

 

 

Parcio:

 

• Mae maes parcio neu le i barcio’ch car (wrth ymyl y pod) ar gael, mae hyn yn gyfan gwbl ar eich risg eich hun ac ni allwn dderbyn unrhyw gyfrifoldeb am ddifrod neu ladrad i’ch cerbyd. Sicrhewch, os cewch ddamwain, eich bod yn adrodd yn ol i’r perchnogion fel y gallent nodi y digwyddiad mewn Llyfr Damweiniau.

​​

• Os yw'r cae yn wlyb, gofynnwn i'n cwmeriaid barcio y car yn y maes parcio a cherdded at y caban.

 

Damwain:

 

• Os ydych yn cael damwain, gofynnwn i chi i hysbysu y perchnogion er mwyn ei gofnodi yn ein llyfr damweiniau.

 

 

Cegin ac ardal gymunedol:

 

• Mae pob eiddo yn hollol ddi-fwg (dim ysmygu).

​

• Dylai pob caban, y gegin gymunedol a’r bloc cawod gael eu gadael yn yr un cyflwr glendid y daethpwyd iddo.

​

• Mae’r sawl sy’n aros yn y cabanau gwyliau yn ymrwymo i gdaw’r adeilad a’r dodrefn yn yr un cyflwr a oedd ar gychwyn eu gwyliau. Bydd angen iawndal arnom am unrhyw ddifrod, toriadau neu golli eitemau.

​

• Nid ydym yn derbyn unrhyw gyfrifoldeb am eiddo personol naill ai yn y cabanau glampio neu mewn ceir sydd wedi’u parcio y tu allan i’r eiddo.

 

Perygl Tan:

​​

1. ​Stof goed tu mewn i'r caban pren: PEIDIWCH a gadael y tan heb oruchwyliaeth.

2. Peidiwch a rhoi BBQ ar y decing pren.

3. Peidiwch a rhoi BBQ yn agos i'r caban pren.

4. Ni ellir symud y 'tan agored', ond peidiwch ac eistedd yn rhy agos iddo.

 

Safle AIRSOFT:

​

Mae Glampio Coed yn safle lle mae gweithgaredd antur yn digwydd ar ryw adeg o’r dydd. Gofynnir i westeion gadw draw o’r giat bren ger y brif fynedfa.

 

Ni all perchnogion dderbyn unrhyw atebolrwydd i unrhyw un sy’n mynd i mewn i safle AIRSOFT heb ganiatad.

 

Cwn:

 

• Caniateir cŵn sy’n ymddwyn yn dda ac y gellir eu rheoli ar y safle, ond ni chaniateir iddynt orwedd ar y gwely na’r soffa. Rhaid peidio a gadael cŵn ar ben eu hunain yn y caban nac unrhyw le ar y safle.​​

 

 

Archeb grwpiau:

​

• Os ydych yn cynllunio i gael parti swnllyd drwy'r nos, NID yw ein safle yn eich siwtio chi!.

​​

• Mae'n hanfodol fod pawb o'r grwp yn ymwybodol or' Termau ac Amodau isod.

 

• Mae cyfrifoldeb i esbonio y termau ac amodau ynghlwm ar person sydd yn trefnu yr arhosiad.

​​

RYDYM YN CADW’R HAWL I OFYN I UNRHYW UN SY’N ACHOSI AFLONYDDWCH, ANNIFYRDOD I WESTEION ERAILL NEU YMDDWYN YN ANWEDDUS I ADAEL Y SAFLE AR UNWAITH! RYDYM YN GWEITHREDU POLISI 'SWN TAWEL' AR EIN SAFLE.

​

Dim ond y gwesteion sydd wedi archebu sydd a'r hawl i aros ar ein safle. Os oes mwy o westeion (oedolion neu blant) yn bwriadu aros yn ychwanegol, mae'n rhaid cael caniatad y perchnogion i wneud hyn! Cerddoriaeth tawel i'w ganiatau hyd at 10yh.

​

Er tegwch i bobl ar eu gwyliau a phobl ar y safle, rydym yn cadw’r hawl i ofyn i unrhyw un sy’n achosi aflonyddwch, annifyrdod i westeion eraill neu ymddwyn yn anweddus i adael y safle ar unwaith! Os oes unrhyw ddifrod i'r eiddo yn ystod eich arhosiad, gofynnwn i chi gysylltu a'r perchnogion ar unwaith. Os oes difrod mawr i'r adeilad byddwn yn gofyn i'r grwp cyfan i dalu yn llawn am y difrod. Peidiwch a defnyddio tan gwyllt, gwreichion na lanteri 'Chinese'.

​

​

​